El buen café

No marco do Programa Mesoamérica, i en resposta ao eixe estratéxico de Red Café que ten por obxecto o desenvolvemento de mercados, a finais do ano pasado dous membros de Red Café fixeron unha xira comercial en España pra visitar empresas do sector do café e coñecer a súa opinión sobre o potencial do café de Comercio Xusto en España e o seu interese como consumidores. Os participantes foron Délmar López (México) e Ligia López (Nicaragua), en representación de Red Café, e acompañáronlles Jos Algra, de Twin Trading Ltd. i especialista en café, i Héctor Riu, de SETEM Catalunya, como coordinador. As empresas que visitaron foron Bon Preu, Cafés Batalla, Cafés Novell  e Intermon Oxfam (zona Catalunya), Asociación do Sello de Comercio Xusto (zona Madrid), Cafento e Grupo Eroski (zona Norte).

Esta xira foi o punto de partida pra que Red Café elabore un diagnóstico do potencial de desenvolvemento do mercado Español do café e de aí preparar unha proposta estratéxica máis ambiciosa para contribuír a promover o mercado de café de Comercio Xusto en España. Nun afán de fortalecerse como actor activo nos mercados do Norte onde venden o café das organizacións socias, Red Café ten como obxectivo xeral explorar as posibilidades que teñen as organizacións de pequenos produtores de contribuír activamente ao desenvolvemento do mercado.